تعرف علي قصة دون ريتشي . للانسانيه معني اخر

الراجل ده اسمه دون ريتشي
الله يرحمه مات في 2012
اخترع إيه ولا اكتشف إيه ولا كتب ولا رسم ولا عزف إيه؟

الاجابة: ولا حاجة.

أعلى حاجة في تاريخه المهني إنه كان مجند في بحرية أستراليا في الحرب العالمية التانية، جندي عادي يعني لا كان رتبه، ولا اي حاجة.

بعد الحرب اشتغل في مبيعات شركات التأمين.
سيرته عادية جدا - لحد هنا.

.......
....

لكن في 2006 رئيسة وزراء بلده قدمت له وسام الدولة الاسترالية
ليه بقى؟

دون ريتشي كان ساكن على حتة اسمها (الهوة او الجرف)

الجُرْف ده مكان مشهور أوي لمحاولات الانتحار (لأن الارض تصبح منحدرة فجأة)، لدرجة إن المكان اتحط فيه كاميرات مراقبة كمحاولة للحد من الظاهرة دي.

بداية من 1964، قرر دون ريتشي في استثمار وقته انه يتابع البحر.

أول ما يلاحظ حد ناوي ينتحر، يقوم بهدوء، يعدي الشارع، ويتكلم مع الإنسان اللي الدنيا قفلت في وشه ده، يفتح الكلام معاه بـ “تحب اساعدك بحاجة؟"، ويقنعه يرجع معاه البيت يشربوا حاجة سوا ويدردشوا.

في بعض الأحيان كان بيضطر انه يتدخل بشكل مباشر بانه يكتّف ويشيل المقدم ع الانتحار بعيد عن الجرف، عشان يكسب معاه شوية وقت لاعادة التفكير في قرار الانتحار. فالشخص يبدأ يقكر ويغير رأية وماينتحرش.

Don Ritchie ما أنقذش عشرة ولا عشرين من وحل اليأس والانتحار.

العدد الرسمي، الحالات الموثقة المتسجلة انه انقذ حياة 160 انسان، وكتير منهم رجعوا له بعد سنين، يشكروه على اللي عمله معاهم.

مراته وبناته بيقولوا إن العدد في حدود الـ 400 كمان.
لما كان دون ريتشي بيتسأل عن اللي بيعمله، كان يقول ببساطة: لانه ما ينفعش تقعد تتفرج وانت شايف الناس بتموت.

هو ده اللي لحياته #معنى،  عنده #حلم_غريب

كمان كل حد فينا في مجاله، ومكانه: ما ينفعش نقعد نتفرج واحنا شايفين الناس
بتموت (نفسياً، وجسديا، ..)

يا ترى ممكن نعمل ايه للناس عشان ما تموتش؟

ماتنساش تعمل لايك عشان يوصل لك كل جديد